ARDAYDA JAAMACADDA MUQDISHO OO UU BILOWDAY SANNAD WAXBARASHEEDKA 2011/2012

Maalinimadii Sabtida oo ay taariikhdu ku beegnayd 03/09/2011 ayaa waxaa Ardayda Jaamacadda Muqdisho si rasmi ah ugu bilowaday simisterkii koowaad ee sanad waxbarasheedka 2011/2012.

Gudoomiye ku Xigeenka Arimaha Akaadeemiyadda ee Jaamacadda Muqdisho Prof. Cali Xasan Maxamed oo ka hadlayay munaasabadda, ayaa wuxuu hambalyo iyo bogaadin u diray dhammaan bahda Jaamacadda isagoo ku tilmaamay in bilaabashada sanadkan cusub inuu qayb ka noqonayo guulaha ay Jaamacaddu gaaraysay ilaa iyo intii la aasaasay isagoo ku dhiirageliyay ardayda Jaamacadda in ay dadaal badan muujiyaan.

JAAMACADDA MUQDISHO OO ISBUUCA DHAQANKA U QABATAY ARDAYDA CUSUB

Jaamacadda Muqdisho oo marwalba ardayda cusub ee iska diiwaangalisa u qabata Isbuuca Dhaqanka, ayaa sannadkan Ardayda cusub ee sanad waxbarasheedka 2011/2012 u qabatay Isbuuca Dhaqanka (Cultural Week).

Boqolaalka Ardayda cusub ee iska diiwaangelisay Jaamacadda ayaa ka qeyb qaatay barnaamijyada kala duwan ee ay Jaamacaddu ugu talagashay, sida: in ardayda cusub la baro Jaamacadda,Taariikhdeeda, Guulaha ay gaartay intii ay jirtay, shuruucdeeda iyadoo sidoo kale ardayda la siiyay talooyin dhaxalgal ah.